El pasáu 8 de marzu , l’alumnáu de Llingua asturiana de 1º y 2º ESO, realizamos una visita al Muséu del Pueblu d’Asturies en Xixón que resultó perentretenida.
Fue una visita guiada y disfrutamos muncho coles esplicaciones que nos fueron dando pol itinerariu.
Vimos la casa tradicional asturiana y la so distribución, un horru, que tenía truébanos y too , una panera y hasta un llagar. Tamién nos enseñaron el Muséu de la Gaita, que tien una colección curiosa d’esti instrumentu presente en diferentes partes del mundu.
Deprendimos munches coses y pa la mayoría, yera la primera vez que veíamos esti muséu.
