El vienres pasáu, 5 de mayu, celebróse’l DÍA DE LES LLETRES ASTURIANES.
Esta xornada enmárcase dientro de la SELMANA DE LES LLETRES ASTURIANES qu’esti añu facía’l númberu XLIV.
Siempres se dedica la selmana a una figura importante nel tarrén de la lliteratura asturiana y esti añu tocó-y el turnu al poeta y críticu lliteraiu XOSÉ BOLADO, fallecíu en mayu de 2021.
Pa festexalo nel centru tuvimos la suerte de cuntar cola visita de BLANCA FERNÁNDEZ QUINTANA, la escritora más moza nel panorama actual de la lliteratura xuvenil asturiana.
Tuvimos un alcuentru con ella na Biblioteca del IES tol alumnáu de LAL.
Blanca pasónos una presentación con un percorríu pola so trayectoria como escritora.
Mostróse mui cercana, abrimos un turnu d’entrugues y alderique y contónos detalles de la so llabor como novelista.
Firmónos autógrafos y ¡hasta dalgunos s’atrevieron a facese una foto con ella!
