El pasáu vienres 8 de payares tuvimos la suerte de cuntar nel institutu con Héctor Braga, un referente de la música asturiana y un gran conocedor de la tonada y l’asturianada. Héctor vino dar una charra a los alumnos d’asturianu y fízonos un percorríu pela historia y el significáu d’estos cantares tan nuestros, amás d’enseñanos abondos exemplos de cómo fueron evolucionando col tiempu.
Amás de la charra, a Héctor dio-y tiempu a responder a preguntes y curiosidaes del alumnáu nuna una conversación bien interesante. La cercanía y pasión que Braga mostró pola tonada y l’asturianada nun nos dexaron indiferentes, y fixo que quedaremos con ganes de siguir afondando y valorando esta parte tan importante de la cultura asturiana.
L’alumnáu tuvo bien atentu, y al final Héctor hasta se animó a cantar en directu un cuartetu compuesto polos alumnos pa la ocasión. Foi una esperiencia bien guapa que nos dexó a toos con ganes de saber más sobre los nuesos raigaños musicales.
